اذا المراجل لبسة شماغ ؟!!!!

اذا المراجل لبسة شماغ وعقال ==== قل للعذارى يلبسن العمايم


ماعاد تفرق زول حرمه ورجال ==== دام الفعايل تشبه البعض دايم

المرجله ماهيب كلمة تنقال ==== وتروح ماراحت هبوب النسايم

ولا خشونه صوت او رفع الاثقال ==== او رزة صدور وفعل الزلايم

ولاهي بعد مفتاح موتر وجوال ===== ولا ردي لسان حديثه شتايم

المرجله عقل وزن وزنة جبال === ودون العقل وش فرقنا والبهايم

يامسندي لو مايل الوقت بي مال ==== ياولد ابويه ياعظيم العزايم

يامعرب الجدين من العم والخال ==== يانخوة المفزوع وقت الهزايم

المرجله ياخوي هي طولة البال === هي العزم هي الصبر فالظلايم

فيها الكرم عزه ودله وفنجال ==== فيها الكرامه على ردي الطبع شايم

النفس خيلك لو كنت خيال ==== ومن لاقوى نفسه قوته الهزايم

ولا صرت تدري لويش انت رجال === والله خساره فيك ذبح التمايم


سلامتكم العذر والسموحه على التقصير تحياتي لكـــم

ساكب الدمــعة

بسم الله الرحمن الرحيم

مشكور على الموضوع الجميل

حلووووووه ويعطيك العافيه تعذبني بقصايدك الحلوه هههه
تحياتي لك